during the reign of the wife whose husband was gunned down at the tarmac
Lagipen ti koro iti kanta ti taga-Cabagan:
Alejandro, Ferrer, Olalia,
Lota, Aquino, Karingal.
Iraman iti listaan daydi diputado
a Puzon nga i-Cagayan.
Awan pilien ti kumpay--
Sinno pay ngata ti isarunoda?
Agkaiwara't tanem ti pungtot.
Natingra man ti nailimog a dara
Dagiti karayan a nagpartianda.
Ay, nuang ngata ketdi
dagiti ngurongorenda!
Mano pay nga annak ken inna
dagiti ulilaenda?
Masarakan kadi krokis idiay Nicaragua?
Chile? El Salvador? Argentina?
Indonesia? Vietnam? China?
Wenno idiay Cambodia?
Wenno ukagen ti daan a kasuratan:
Agpagungganto dagiti danapeg,
Garaigi dagiti kabalio ti hustisia
Ta ikaro ti pagilian
Ti adu a pannakikamalalana.
Iti panawen ti adu a mangiturong,
Di mabilang a rienda, sekseken ti sungbat
Kadagiti sao nga ubbaw, tabbaaw
Ken am-amangaw?
Ikallatik ti samiweng a kinantada idi iti edsa:
"Ilik a baludda, anian a pannakadusa
Arapaapko a naan-anay a siwawayaka."
*Nairaman iti napabaro nga edision ti antolohia dagiti dandaniw nga Ilokano ken Ingles,"Umayka Manen, Ganggannaet/Come Again Stranger." With introduction by Dr. Aurelio Solver Agcaoili, director of the Ilokano program of the University of Hawaii at Manoa. The author of the collection, Peter La. Julian, and Dr. Agcaoili originally came from Laoag City in Northern Philippines
No comments:
Post a Comment