Adda ti pukkaw ti kullaaw
Nga umadayo iti karasakas
A rumkuas iti rimmuong
dagiti adu a tawen.
Dara a saan ket a ling-et ti tumrem
iti agmatuon.
Ngem magnatayo latta...pagna a pagna
nga awan turongenna.
Adda met no maminsan ti init
kadagiti aringgawis.
Anansata, kankanayon nga agbiroktayo
iti lusotan iti kabakiran.
Kankanayon a sipaparngedtayo
iti igid ti sibilisasion.
No comments:
Post a Comment