PANAGUUMMONG*

               Saantayo a pimmanaw:
               Agsublitayo iti daan nga ili
               Iti daan nga urnos
               Kadagiti naangep a lagip--

Maysa a dakkel a bato sadiay,
Ti algarrubo iti pagserkan, ti karuotan
A nagkikinnamatantayo,
Dagiti babassit a panagbettak
Ti rikna kaagiti aringgawis
Dagiti balikas, dagiti nadayag
Nga arapaap--
Dagidi nga aldaw, anian!
Naganustayo ken siwawaya
A kasla tumatayab iti tay-ak.
Simrektayo iti maysa a panawen
Idi lamolamo dagiti maris
Ken naayamuon dagidi rosal
Idiay Torres Bugallon.

               Ita a rabii, maitanem
               Dagitoy a samiweng, katkatawa
               Tapno unorentayo manen ti agsapa
               Nga agturong kadagiti kalsada
               Iti ikub dagiti tarimbangon
              Ti naputolan a lubong.

Julian grandchildren, mostly from West Riverside in Laoag City, seeing off a relative bound for the US, at the Gabu International Airport. Most of them are now young people including Jewelle Julian from Isabela.

*Included in the anthology of Ilokano and English poems, "Umayka Manen, Ganggannaet/Come Again, Stranger". A critical introduction was written by Dr. Aurelio Solver Agcaoili of the University of Hawaii at Manoa. Dr Agcaoili, a native of Laoag City, is coordinator of the UH Ilokano program.