PAGAMMUAN, RABIIN

                                                          Yet the ear distinctly tell

                                                            in the jangling,

                                                            and the dangling,

                                                   how the danger sinks and swells

                                                   by the sinking or the swelling in the anger of the bells--

                                                              of the bells--

                                                              of the bells, bells, bells, bells--

                                                                      bells, bells, bells--

                                                    in the clamor and the clanging of the bells.

                                                                               Edgar Allan Poe, "The Bells"

Fishing boats in Currimao, Ilocos Norte, Philippines

BANGA, CLAY POTS, SOLD IN THE MARKETPLACE IN LAOAG CITY, PHILIPPINES

                                                                         

Nalawa ti kuarto
ita a bigat
kas iti kauneg ti sugatmo
iti sagumbi
dagiti maulit-ulit a lagip:

Ayanmo idi awan pay
dagiti buong a botelia ti serbesa
ken kuppit a latlata iti taaw?
Idi rabii, impatayab ti ballailaw
a pagtokaran daydi kantam
idinto a nagallangogan iti naasuk
a paginuman ti katkatawa, gargarakgak
ken dagiti gumpo dagiti immawer
a tawen.

Kastoy koma ti napasamak--
saan, saan--kasdiay koma ketdi.

Ti init nga agkarkaradap itay
     iti desarming a tawa
immulin kadagiti atep:

Mulinaw nga imuko ti isasarungkar manen,
natadem a kas iti iking ti agsapa.
Ti kanito kenka ket nagango a bulbulong
iti nadagaang nga aldaw.

Masapul nga umkis dagiti sallapingaw
iti baet dagiti adu nga arimpadek
iti entablado a naggargarawan dagiti agbibiag
iti sarita.

Malagipmo ti kinasingpet ti agtutubo
iti daan nga ili, ket pagammuan, rabiin.