the rag dolls
a quick addendum to the high-profile alibaba
no investment, no cash will be interred in memory
like the carcasses of thieves and poisonous snakes
slithering across the dark pages of the magazine
of dreams.
DAGITI KUDDAKUDDA NI EMERENCIANA*
(Nota Bene ken ni Errol Abrew)
Nabileg ken makabibineg ti parabur ken kalangiking ti diosa:
adda ngarud dagiti agalad idinto nga agsasaritada iti ngata-ngata,
agipurruakda kadagiti balikas nga apuy a mabalin met koma
a rosas a binnatog iti sappuyot ti bagbaga a di nakasusuro iti gura.
Wenno uray panaginkukuna a saan ket a naraber a parpardaya met
ti anniniwan ken al-alia dagiti amin a pungtot ken buritektekda.
(Adda bariw-as iti panangibando iti kinasudi idinto nga agpapas
nga agmanadada kadagiti sikkarud iti timpuyog ti wayawaya?
Ania ti labes ti tirtiris ti kinatiri? Adda agballatek nga arrabis ?)
wenno kitkituman no di man panagbuteng kadagiti bambanti;
anansata, mabati latta koman dagiti babassit a munmunieka,
dagiti agikurkur-it iti ballada iti sagrado koma a bukod a daga.
*Nairaman iti revised/ version ti "Umayka Manen, Ganggannaet/Come Again, Stranger", antolohia dagiti dandaniw nga Ilokano ken Ingles ni Peter La. Julian
Ania ngata't innak maiyebkas ditoy? I am at once arrested in awe by the metaphors I feel I can understand but need to delve deeper into if I am to realize the essence of it all!
ReplyDeleteDios-ti-agngina, Crystalnine. Ngem kastay kunadan, saan a nasken a batoken ti kaipapanan ti daniw. No la ketdi mariknan ti emosion ti daniw, a saan a nasken nga anninaw ti rikna ti mannaniw, awan duadua a nagballigi ti daniw. Makaulaw, ania?
Delete