Dagiti Simmiasi iti Linia ti Diskurso ti Agsagsagaba a Cristo

Ritual of the Risen Christ as enacted in the Laoag Cathedral Church last Lent. Photo by Andres Miguel Pasion




 

Kumpadre,
Maburiborak no kua iti maysa  a paset ti Bilia a kastoy ti kunana: "Uray ti Diablo mabalinna met nga isitar ti Nasantuan a Surat." Saan a kastoy ti eksakto a pannakaipatarus daytoy iti Naimbag a Damag.
Malagipko man ti salaysay ni Myra Yoro Madayag iti maysa nga isyu ti Timpuyog Journal maipapan iti pastor a nagpatakder iti mansion ti familiana ken gimmatang iti adu nga ektaria a daga. Ti inusarna a kuarta? Dagiti donasion nga agpaay koma iti iglesiana ken ti pannakaiwaras ti Sao ti Dios. Iti daytoy a punto, adda iti panunotko dagiti Velarde, Villanueva, papastor, papadi, diakonesa ken amin a mangaskasaba a kunak a simmiasi iti linia ti diskurso ti Agsagsagaba a Kristo ken ti Apo a Mannakabalin-amin.  

Paset ti surat ni Prescy Bermudez:

Maipapan it "dugol", seguradoak a naawat ni ex-Judge Vivencio Baclig. Adda iti ikutna ti nasao a surat. Adda kenkuana ti rumbeng a maaramid iti nasao a surat. Naipakaammok metten daytoy kadakayo.