ELEHIA KEN NI ARTURO M. PADUA*

Arturo M. Padua, whose column, "Malutluto, Maib-ibus", graced Bannawag, the Iluko weekly magazine, was one of the pillars of Saluyot writing. He held various government posts as town mayor (Sison, Pangasinan, where he was cremated and buried) and as provincial board member, and was tourism official assigned to the United States and Taiwan during the Marcos martial law years. A journalist and former FAMAS president, Turing, as fellow writers called him, was first president of Gunglo Dagiti Mannurat nga Ilokano iti Filipinas, the association of Ilocano writers in the Philippines, where this mannurat also served as elected member of the board. A friend of then tourism secretary Jose "Sunshine Joe" Aspiras, Turing maneuvered us on October 23, 1968 to Malacanang, where Ferdinand Marcos administered our oath of office at the Palace Ceremonial Hall at 4:30 PM. The writer, Manang Pacita Saludes and Ms. Amelia Bautista walked from a boarding house in Sampaloc to Malacanang that afternoon.


ladingitek, ARTURO.

aginana koma ta kararuam, kabsat,
natan-ok a mannurat
mangiruprupir kadagiti babassit,
managpakatawa, di mangtagibassit
awan surok, awan kurangna
dagiti komento ken paliiwna.
natadem iti isip.

ala, itugotmo iti tanemmo
dagidi arapaapmo iti daydi daan
a gunglo.

iserra ti ridaw.

nagpilit a simrek dagiti balikas
a di maikari iti templo
idinto a naglimdoda, isuda a nangpaspasangbay
kadagiti agikurkur-it
iti saem ken namnama iti igid ti baybay.
kasla di mamati dagiti agtutubo
iti babak dagiti adigi? 


iserra ti ridaw.

wen, nagsayukmo ti naindaklan nga asawa,
ti namunganayan naulimek iti sibayna.

iserra ti ridaw.

ladingitek, ARTURO.
kaduata koma ida a nangitandudo
tarnaw dagiti saan a marubsi
a sursuro a nariingantayo.
anansata, naglemmengda ngata
nupay adda met nagtured a nangbirok
iti sipnget ken kinapudno.
nagwingiwing ti idolo a taga-montalban
idi imbagak ti nasukalan.

ay, aglalaaw pay laeng ti ulimek
 iti nabibineg a panunot!


iserra ti ridaw.

ladingitek, ARTURO.
ti laeng manglagipen ti aramiden:
anian a tebbag ti timek
daydi lakay iti dakkel a balay
iti igid ti karayan
idi sinurnadantayo ti sapata
ti sagrado, natan-ok nga ofisina.
nakaamerikanatayo idi
kada manuel s. diaz, fredelito lazo
PELAGIO ALCANTARA
MAURO GUICO
idinto a nakabarong da
juan s. p. hidalgo, jr., guillermo andaya,
prescilliano n. bermudez,
FERDINAND E. MARCOS
PROF. SANTIAGO ALCANTARA
HERMOGENES BELEN
GREGORIO LACONSAY
ken godofredo s. reyes*
nakakimona da amelia bautista ken pacita c. saludes.
ay, taraki-utek dagiti lallaki!
ay, lapsat-sudi dagiti babbai!

SIKA ti immuna a pangulo.
datayo ti immuna a sirmata ken tangsit
ti patneng a pluma.
dagidi a tawen, ay!

iserra ti ridaw.

ladingitek, ARTURO.
nagsardeng idi ti angin 
nagparintumeng dagiti allon
ket iti andingay dagiti darikmat
impeksam dagiti balikas
a kasla ketdin kampilan
nga inasutmo iti kaunggan.

iserra ti ridaw.

ladingitek, ARTURO.

agnanayon daydi a buya iti kadaratan
kumitkitaka idi iti surong
(ania't sapsapulem idi dagiti matam iti amianan?)
daydi narsmo adda latta iti dennam--
"isu ni..." inyam-ammonak idi iti dayag.
apagbiit daydi maudi a pinnatang
ngem isu ti kaatiddogan
iti biagta iti lubong ti panagsuratan.

iserra ti ridaw.

ladingitek, ARTURO.
lagip laeng ti napalabas,
wen, lagip laeng ti napalabas
daydi samiweng a dinto agkupas.

iserra ti ridaw.

ladingitek, ARTURO.

saan nga amin a dawat magun-odtayo
dagiti imet, babantot, saem ken dagensen
iwagsaktayo tapno naan-anay ti wayawayatayo.

maturogka ngarud a sitatalinaay, kabsat,
padak a periodista
manakem a mannurat.

iserra ti ridaw.


*Nairaman iti antolohia dagiti dandaniw nga Ilokano ken Ingles"Umayka Manen, Ganggannaet/Come Again, Stranger." With introduction by Dr. Aurelio Solver Agcoili of the University of Hawaii at Manoa.

Those whose names are in capital letters are already dead. 



Naadaw iti kolum a napauluan iti "EYES WIDE OPEN" nga ipabpablaak ti Star, Northern Luzon, aglinawas a pagiwarnac idiay San Fernando City, La Union. Adda dagiti aritubarna.

* saan pay idi a pimmusay ni Apo Godo, namin-13 a presidente ti gunglo, idi masurat daytoy a daniw. an honest documentation on the national association of saluyot writers.
*idolo ( jsph) a nangisurat iti maipapan dagiti panniki iti montalaban
*naindaklan nga ina (dati a presidente ti University of Northern Philippines ken asawa daydi dios-ti- alluadna nga apo godo)
idupag ti daniw: apay a nagtalinaed a patta ti balay koma dagiti mannurat idiay Suso, Sta. Maria, Ilocos Sur?