Wednesday, September 23, 2009

LIPATEN NGA INTANEMDA A BANNUAR*

lipaten ni jose rizal a riniple dagiti kastila idiay luneta
lipaten ni andres bonifacio ken ti pannakatraidorna

lipaten ni antonio luna a nagrarangasanda idiay nueva ecija
lipaten ni elpidio quirino ken ti lima ribu a pisos nga orinola

lipaten
lipaten

lipaten ni jose sison ken ti pinabettakna idiay plaza miranda
lipaten dagiti kudeta kontra cory a nangpaksuy iti ina a daga

lipaten ni
lipaten ni cory nga asawana a natay iti kanser ti bituka

lipaten ,,,
lipaten

lipaten
lipaten

lipaten
lipaten ,

lipaten ti sagibona a P50, 000 la idi ti tinawen a teggedna
lipaten

lipaten
lipaten

lipaten
lipaten

lipaten dagiti adu a saludsod no apay a pinatayna ti bagina
lipaten a pudno nga adda nangato a tao a sinalaknibanna

lipaten, ay, lipaten dagiti rab-rabngis-tirtiris dagiti raraemen
lipaten, ay, lipaten.ti pungtot-luksaw kadagiti mangirurumen.

*Nairaman iti expanded version ti "Umayka Manen, Ganggannaet/Come Again, Stranger"
Posted by at

5 comments:

  1. ArielFebruary 13, 2011 at 7:22 PM

    Saan, manong--ken wen. Adda dagiti manglipat, dagiti mangliplipat, ken dagiti makalipat. Ngem adda met dagiti silalagip. Ti kadaksan ngatan a mapasamak iti maysa a puli ket ti pannakalipattayo kadagiti panagabuso dagiti addaan bileg ken dagiti agar-arapaap nga addaan bileg. Sumagmamano kadagitoy dagiti mannurat ken dagiti agindadaniw. Ngem saan a mono ti puli dagiti nakariing ken siririing. Fuersa ti biag ti pakasaritaan ta adda adda managpartuat a sirmata iti 'pungtot-luksaw' a kunam. So powerful this. Ipankonto koma iti antologia ti POETICS OF THE REVOLUTION. no mabalin.

    ReplyDelete
  2. maritessFebruary 15, 2011 at 3:02 AM

    Pudno ta kunam kabsat. Adu dagiti manglilipat ngem adda latta met dagiti di makalipat kadagiti kinadangkok a parnuayen ti kinaagum ken dakes nga apal, ken kasta metten gapu ta adda dagiti im-impenda nga ammo ti maysa a tao maipapan kadakuada ket ipapanda nga ibutaktak wenno imbutaktaken daytoy sadapennda a makaammo ti aramidda a naalas. Idinto piman, ta awan gayam ti ammo daytoy a tao, ngem, daytoyen ti padaksenda tapno bareng makalobanda dagiti bukodda a nagbiddutan. Nasakit man aya ti nakem ko kadagita kasta a pasamak, ta mahusgaran ti awanan aramid ken ti dakdakes, kawesanda ti saanna met a lupot. Ngem, kanayonko latta a basaen ti Psalmo ti Apo para ti pannalaknibna manipud kadagitoy a nagulib a parsua. Ken, kas kuna dagiti mangisakit ken mangilalala kadatao, "bay-am lattan ida ta kasta ti dakes nga apal, ken nakaro ti insecurityda." Ania pay ngay no di kasta? Agkararagak lattan a ta ikkannak pay ti kiredko a agibtor ken mang-ignore kadakuada. Uray ta di met siak ti marigatan nga agkusikusilap ken aglibbi-libbi kadarato makitadak a medio lumasbang a kas kuna dagitoy a managapal.

    ReplyDelete
  3. peter.labayog.julian@gmail.comFebruary 15, 2011 at 10:57 AM

    Dios-ti-agngina kadakayo. Wen ken saan. Serioso a saan. Maysa a dung-aw. Ironic statements. Apo ariel, pakaidayawak no mairaman daytoy daniw.

    ReplyDelete
  4. peter.labayog.julian@gmail.comNovember 27, 2013 at 9:14 AM

    This comment has been removed by the author.

    ReplyDelete
  5. peter.labayog.julian@gmail.comMay 21, 2016 at 3:38 PM

    Apo Agca, please, please put the poem in your POETICS OF THE REVOLUTION.

    ReplyDelete

Subscribe to: Post Comments (Atom)