Agarigengen dagiti samut-samut iti alipaga/dagiti balikas, balikas, balikas./Agar-arimasa iti apas dagiti kunada a biktima/Dagiti nangmaniobra kadagiti gunggona./Anian nga ab-abbi, anian a kalintegan!/Uray dagiti mongha agalumiimda a rummuar/Iti imeng ti puraw a sudida. Dagiti agid-idolo kasda la bakes/Nga aglagtolagto iti ragsakda./Sapsaplitenda ti bagbagida iti ray-ab a dayaw dagiti bangolanda. (Ay, ti gameng ti Furikawa!/Inkalida kano iti pamuon ti patta idiay Santa Maria./Siaasut ti kampilan iti rinnupak dagiti nagabungot./Adda kadi pannakasubbot iti rikkian/kadagiti binnatog ti pungtot? Umno koma nga agsisinnaguttayo/ta saan aya a ti berdugo/Isu met laeng ti dasig dagiti anniniwantayo? Saan kadi koma nga agipeksa kadagiti balikas, balikas, balikas/A nagsusuon iti bendision ti sirmata/ken panagkaykaysa? Ket iti rangrangkay dagiti darikmat/Siasinoda a natnag iti allilaw ken am-amangaw? Ania dagiti kari ti panagulimek/Wenno subbot ti adu a panaganus/No di man ti panagpangas? Itag-ay dagiti kusapo a wagayway/Uloden dagiti tirtiris ken ublag./Putden ti saringgayad dagiti umsi/Idinto nga itanem dagiti kumpay ken tikap nga isem.
Photo caption, bottom picture: the author and the late Gov. Godofredo S. Reyes, 13-time president of the national association of Ilokano writers. The structure on the right is the patta house in Suso, Sta. Maria, Ilocos Sur, for which half a million pesos was spent for its construction, according to GF Financial report. Prescy Bermudez, a GF member, has described this eyesore as "Dugol". He has written the president of the association about it, in an attempt perhaps, to "cure" once and for all this disease that has afflicted this writing group. JB, one time president of the association has declared before writers that most of the money was spent in the construction of the patta's foundation.
No comments:
Post a Comment