Teksto ni Isabel Miguel Pasion
Retrato ni Jonathan Vincent Co
SIUDAD TI BAGUIO--Awan duadua a daytoy ti kadakkelan a rambak a naidaton kadagiti sabsabong. Inaganam dagiti pusaksak ken sampaga, okey, sabsabong, a nausar kadagiti 24 a karosa: marapait, rosa, chrysanthemum, statis, baby's breath, anthurium, uong a kasla kadakkel dagiti ansisit. Pattapattaem no mano ti bilang dagiti nausar, saan laeng a kadagiti karosa no di pay dagiti dekorasion ti siudad dekorasion iti panagpaut ti pasken.
Petsa 26 ti Febrero 2011 idi maangay ti parade of floots a nangrugi iti ngatuen ti Session Road. Awan ti itiitan iti agsumbangir a paset ti kalsada.
Iti Kankana-ey a pagsasao dagiti tattao ti Mountain Province ken akin-amianan a paset ti Benguet, panagsantak, panagsampa, panagrusing wenno panagbusel ti kayat a sawen ti panagbenga. Idi 1995 a nainaw ti konsepto ti Panagbenga. Kasano nga agtalinaed pay laeng dagiti turista a kaaduanna nga agdadarisonda iti Kapaskuaan? Ket naipasngay daytoy a konsepto a nagbalin a natibker nga adigi ti industria ti turismo iti Filipinas. Iti daytoy naudi a panagrambak, aganay a 500, 000 ti dimmar-ay a tattao, lokal ken ganggannaet a turista.
