for Dr. Pedro Alupay of Riverside, CA, USA who said he shed tears when read this poem in the Bannawag, the Ilokano weekly magazine, during his young years in the Philippines.
Ti la ngamin kalapaw ti ngudo ti arapaap...
Um-umlek ti sangaili a nangilansa kenka
iti krus nga awan ti naganna.
Nangayed ti agsapa: kasano a rumkuas
ti ikkis, ti nakabutbuteng a dulluog, ti pait
ken saem ken asug
iti umir-irut a kawar ti aangsan?
Dimo matmatan ti pekka ti sarming
Kitaem ti sugat ken ti naliday a mata
Dakiwasem ti away ti kinaagtutubom
Rumimatrimat dagiti lugan ken silaw
Agkakadaeg dagiti sumilsilap a pasdek
ngem awanka sadiay
ganggannaetka kadagiti kalsada.
Adda met dagiti mariing a sennaay:
ti kampilan! ti kampilan!
awan ti bannuar!
awan ti malalaki iti puli!
Ti kabusor saan a ti kayumanggi
A magmagna pay laeng iti puraw a saka.
Matmatam manen ti umis-isem a rupa
iti nabuong a sarming:
a, mannaniwtayo amin!
*Nairaman iti expanded edition ti "Umay Manen, Ganggannaet/Come Again, Stranger"
No comments:
Post a Comment