Nagpatnga da Rafael San Diego ken Jennifer iti nawada a sala. Saanda a naginniggem a dagus. Nagmattiderda laeng ken nagminnatmat.
"Nagpintaskan, Jenny," nagbarbar ti lalaki idinto a nagdakiwas dagiti matana iti pammagi ti kasangsangona, iti napudaw a lengngesna, kadagiti agar-arimasa a bibigna."Adu a rabii a binuybuyaka iti entablado. Tunggal agawidak manipud iti Paradise Club, pampanunotenka. Adu a rabii a saanak a makaturturog. Ar-arapaapenka, Jenny."
"Aw, come on, Mr. San Diego, manon a babbai ti nangibagaam kadagiti a balikas?" inggarakgak ni Jennifer. Ngem iti kinapudnona, mayin-indayon ti riknana iti sangaribu ket maysa a ragsak.
--manipud iti SIKSIKA LAENG, romance novel ni Genaro R. Sumaoang, maikalima a paset, iti Timpuyog Journal, Marso 15-31, 2012.
No comments:
Post a Comment