Dagiti Litania ti Namnama ken Pannakapaaymi (as published in the Ilokano weekly magazine, Bannawag)

(Idi Panawen ni Gloria Arroyo)

nakitami kadi
iti baet dagiti kumunolkunol
ni jose rizal
ni andres bonifacio
ni emilio aguinaldo?

nakitami kadi
ni jose abad santos
ni josefa llanes-escoda
ni ramon magsaysay
kadagiti maris ken wagayway
ti gura idiay ayala?
kas kadagiti dudon
a simmiplag iti talon
inaradsada dagiti sabong ken mula
idinto a linugoban
ti umuna a babai ti edsa
ti ina a dimmawat iti pammakawan
iti pagilianna.

iti dayta nga aldaw
nagtutunos dagiti agsisimparat a timek
ken nadumaduma a panggep
ket nagkarayam ti lua ti birhen
iti sabali a kalsada
sika, pedro becbec, nakitadaka
idiay hyatt iti ummong da cesar,
emilia, drilon, amin a simmina.
nagkulaidag kadi met ken nagkatawa
dagiti nagabungot a patneng
iti tanemda?
ket sika, dinky,
pudno kadi a nagsangitka
idi karawaen ti bassit a babai
ti daradara a bukotna?

ania ngamin ti kinapudno?
ti kinapudno iti imtang dagiti politiko?
ti kinapudno iti amiris dagiti tattao?
wenno ti pudno a kinapudno?
kasapulan kadi a salakniban
kadagiti bassawan-retorika ti politika
a manglenglengnges iti ina a daga?

iti am-amangawmi, idupagmi dagiti litania
ti namnama ken pnnakapaaymi:

o appo ti jueteng, itdenyo kadakam'
ti inaldaw a taraonmi
tapno agtalinaedkam' latta
a bagtiti a bakes kadagiti sanga.
o appo ti nadumaduma a trono
iparangkapyo kad' dagiti maregmeg
dagiti akakan nga asoyo
tapno adda kenen dagiti annakmi
ta dida ket agrukrukit iti basura
iti pamedpedda iti bisinda.

o imee, o loren, o susan
didakam' kad' liplipatan
inton dumengkayo iti pagarian
iti abay ti nadangro a karayan.

ngem agriingkami ket idawatmi:

o appo dagiti negosio
o appo dagiti nagabito
o appo dagiti appo
bay-an ti pamuon iti tengnga
bay-an nga agrupsa
dagiti um-umkis
iti sallukob ti dawel
ken pammutbutengda!

ket dagiti lingka? ay, dagiti lingka!
awanen dagiti muriski ken aradoda
rugrugiandan ti agsangal
kadagiti nalabaga a bandera
anansata, napuskol man unay
daytoy manto ti panaguray
uray ti apo lakay ririingenda iti lamiis
ti sipina idiay batac
tapno iddepenna koma dagiti apuy
nga ipurpurruakda.

iti dagaang ti angin
silmutanen ti mitsa iti nakaimontaranna?
wenno sapulen pay ti tulbek
kadagiti sabong ken mula ken saringit
kadagiti naglumen nga edsa?

Quotations

"Today we took a little snake. I had to apologize to her for cutting her life off so suddenly and so definitely. I did what I did not knowing that my own life will also be cut off someday in very much the same fashion, suddenly and definitely.--Jack Forbes.

"The struggle of man against power is the struggle of memory against forgetting."--Milan Kundera

"The most striking difference between ancient and modern sophists is that the ancients were satisfied with a passing victory of argument at the expense of truth, whereas the moderns want a more lasting victory at the expense of reality."--Hannah Arendt

Quotations

"The only difference between reality and fiction is that fiction has to be credible."--Mark Twain

"Success is not final, failure is not fatal. It's the courage to continue that counts."--Winston Churchill

"There are two ways to conquer and slave a nation. One is by the sword. The other is by debt."--John Adams

"Quiet minds cannot be perplexed or frightened, but go on in failure and misfortune at their own private place, like a clock during a thunderstorm."-Robert Louis Stevenson.